TIRANË- Aktivistja Elona Caslli ka publikuar në Facebook një video të Ministres së Shtetit Për Rininë dhe Fëmijët Bora Muzhaqi, teksa ka treguar se fjalimet e saj ia bën Chat GPT. Gjatë një takimi ku ishte prezent dhe kryeministri Edi Rama, Muzhaqi thotë se ka postuar ne linjën e inteligjencës artificiale të gjithë fjalimet e saj dhe të Ramës, duke marrë si fryt një fjalim shumë të bukur.
“E ndërkohë që vija sot i kërkova shokut tim më të mirë ChatGPT që të më ndihmonte ne fakt me një fjalim për ditën e sotme. Dhe ishte shumë interesante, pasi nuk ishte një Chat normal, por ishte ai i Botttit të ChatGPT që unë kam përgatitur që të dijë të flasë dhe të mendojë siç mendoj unë. I kam vendosur gjithë fjalimet e mia, biles kam shkuar edhe pak me larg, kam vendosur gjithë fjalimet e kryeministrit, kam venduar të gjithë rrjetet e programit tonë të kodimit dhe më beri një fjalim shumë të bukur,” tha Muzhaqi.
Aktivistja Caslli e ka shoqëruar videon e Muzhaqit vetëm me një shënim ironik: Pasaporta Evropiane… dhe moj!
