Ish-kryebashkiaku i Kukësit Safet Gjici është ankuar në Apelin me Juridiksion të Përgjithshëm për vendimin e gjykatës së Elbasanit që i rrëzoi vendimin për lirim para kohe.
Mbrojtësi ligjor Përparim Kulluri kërkoi nga gjykata caktimin e ekspertëve që të përcaktojnë gjendjen shëndetësore të klientit të tij, kërkesë e cila u pranua nga trupa e gjykimit.
Në seancën e radhës të datës 12 maj, në Apel pritet të paraqiten ekspertët dhe t’i japin gjykatës aktet e përgatitura, të cilat do të tregojnë ne rast se ish kryebashkiaku socialist është apo jo në gjendje të marrë trajtim të nevojshëm mjekësor në kushtet e burgut, apo nëse i rrezizohet jeta nga qëndrimi në qeli.
Safet Gjici është dënuar për shpërdorim detyre dhe korrupsion pasiv nga Apeli i GJKKO.
Ai u arrestua në muajin qershor të vitit 2023 dhe u dënua përfundimisht nga Apeli i Posaccëm në muajin qershor të këtij viti me 4 vite e 6 muaj burg, dënim i cili u reduntua në 3 vite për shkak të gjykimit të shkurtuar.
