Presidenti i SHBA-ve, Donald Trump është takuar me Volodymyr Zelenskyy përpara funeralit të Papës, raportuan burime nga Vatikani për Sky News.
Presidenti i SHBA-së dhe homologu i tij ukrainas patën një “diskutim shumë produktiv”, sipas një zyrtari të Shtëpisë së Bardhë, dhe gjithashtu kanë rënë dakord të zhvillojnë bisedime të mëtejshme pas ceremonisë mortore të Papës.
Ata janë ndër liderët botërorë, përfshirë Sir Keir Starmer dhe Emmanuel Macron, të cilët marrin pjesë në funeralin e Papa Françeskut.
Pati duartrokitje nga të pranishmit në sheshin e Shën Pjetrit kur udhëheqësi ukrainas doli nga Bazilika.
Ish-ambasadori britanik në Rusi, Sir Tony Brenton deklaroi se funerali i Papa Françeskut paraqet mundësi diplomatike, duke përfshirë “takimin më të madh të mundshëm” midis Trump dhe Zelenskyy.
Ai tha për Sky News takimi i tyre i parë ballë për ballë që nga debati publike në Shtëpinë e Bardhë në shkurt mund të shënonte “një hap të rëndësishëm” në fillimin e procesit të paqes midis Rusisë dhe Ukrainës.
Takimi dypalësh vjen pasi negociatori i paqes i zotit Trump, Steve Witkoff zhvilloi bisedime me Vladimir Putin në Kremlin.
Ata diskutuan “mundësinë e rifillimit të negociatave të drejtpërdrejta midis Rusisë dhe Ukrainës”, tha ndihmësi i Kremlinit, Yuri Ushakov.
