Detaje të reja janë zbardhur nga hetuesit për sa i përket atentatit me 4 të plagosur në Lundër.
ABC mëson se hetuesit kanë gjetur disa sende që dyshohet se i përkasin autorëve të atentatit.
Në vendin ku policia dyshon se kanë pritur autorët dyshohet se gjatë momentit që janë fshehur u kanë rënë dhe disa sende ku kanë prishur edhe një gardh metalik.
Në këto sende janë zbuluar gjurmë të tyre dhe material gjenetik të cilat janë dërguar në laborator për të përftuar profilin e ADN. Më pas do kryhen krahasimet genetike për të dyshuar.
Ndërkohë nga këqyrja që është bërë policia ka zbardhur edhe një pjesë të rrugës që kanë ndjekur autorët me motor.
Intinerari i motorit, Arbanë-Vishnje-Picallë-Sauk-Mjullë Bathore-Liqeni i Farkës-Rruga Agallarëve-vendi i ngjarjes.
Në pjesën më të madhe të kësaj rruge përdoret shpesh here nga personel i policive private Security që lëvizin me motorra dhe dyshohet se është përdorur e njëjta rrugë që te mos bien në sy.
