Presidenti i Partisë së Lirisë, Ilir Meta, në një postim në Facebook, thekson rëndësinë e momentit kur nënshkroi “Kartën e Adriatikut” më 2 Maj 2003, duke e quajtur këtë akt të paharrueshëm për Shqipërinë.
Ai theksoi se kjo ngjarje shënoi themelimin e anëtarësimit të Shqipërisë në NATO, një sukses të madh për vendin. Meta deklaroi se Shqipëria ka mundësitë për të ecur përpara dhe për t’u çliruar nga ndikimi i narkoshtetit.
Ai përfundoi duke ftuar qytetarët të votojnë për koalicionin “PD–Aleanca për Shqipërinë Madhështore” më 11 Maj.
Postimi:
Momenti kur më 2 Maj të vitit 2003 nënshkrova së bashku me Sekretarin Amerikan të Shtetit, Colin Powell, “Kartën e Adriatikut”, është dhe do të mbetet përjetësisht i paharrueshëm për mua.
Ky moment, u realizua falë përkushtimit të papërkulur dhe duke kapërcyer vështirësi tepër të mëdha në një moment delikat për vendin.
“Karta e Adriatikut”, ishte guri i themelit për anëtarësimin e pakthyeshëm të Shqipërisë në NATO.
Shqipëria i ka sot të gjitha mundësitë për të hedhur hapa të mëdhenj përpara dhe për t’u çliruar nga ngërçi dhe damka e errët e narkoshtetit.
Këto ngjarje madhore tregojnë se kur serioziteti i lartë shtetëror, patriotizmi dhe ndershmëria udhëheqin politikën, asgjë nuk është e pamundur.
Fitorja e 11 Majit do të shënojë kthesën historike politike, që do t’i mundësojë atdheut tonë të ketë të tjera suksese historike si këto, të cilat në këto 12 vite i janë mohuar për shkak të pushtimit të shtetit nga narkoqeverisja plaçkitëse dhe grabitqare, antiatdhe dhe antikomb.[✅️] [🗳] VOTO NR. 1 – Koalicionin “PD–Aleanca për Shqipërinë Madhështore”[✅️] [🗳] VOTO ILIR METAJ – QARKU TIRANË!
