TIRANË- Deputeti i PS-së, Erion Braçe ka denoncuar ditën e sotme përmes një video në rrjetet sociale gjobitjen me 200 euro të një qytetari në Laprakë. Braçe shpjegon se qytetari është gjobitur për shkak të një njoftimi që ka vendosur në shtyllë.
Sipas deputetit se kjo situatë nuk është normale. Ai shtoi se në vend që të shihen makinat e parkuara në një vend ku nuk lejohet parkimi apo të ndëshkohen ata që hedhin inerte në rrugë, gjobitet një person që ka vendosur një fletë lajmërimi ku jepet një shtëpi me qira.
“Isha rehat ne fshat!Këtu në qytet nuk kuptoj më asgjë! Në një shtyllë në Laprakë;200 mijë lekë-200€ gjobë për një letër A4 vendosur në shtyllë! Po si?
Ja siç e kanë shkruar e siç po ua spjegoj;Krejt normale ta këshillosh e mos e bëj më, por brenda pak orësh kur i ke thënë “ke 20 ditë kohë të mos e bësh më”, ti vesh 200 mijë lekë gjobë është e padrejtë!
Por përtej kësaj;po pse si vini gjoba këtyre që hedhin inerte në rrugë e që i kushtojnë bashkisë e mjedisit pafund? Pse? Pse?Anullojeni se është turp! Nuk është as reklamë e as poster”, shkroi Braçe krah videos së postuar.
https://www.facebook.com/plugins/video.php?href=https%3A%2F%2Fwww.facebook.com%2Ferionbrace.alb%2Fvideos%2F700492329308058%2F%3Fref%3Dembed_video&show_text=0&width=267
