TIRANA- Babai i 11-vjeçarit që mbeti i plagosur me armë nga atentati i para disa ditëve në Unazën e Madhe të Tiranës ka treguar momentet e para të ngjarjes së rëndë.
Në një reagim për emisionin “Opinion” i ati i fëmijës thotë se fëmijët i mori ai nga vendngjarja dhe i dërgoi me automjetin e tij në Spitalin e Traumës. Ai ka thënë se 1 minutë më shumë vonesë, do të ishin fatale për 11-vjeçarin.
“Fëmijët i kam marrë unë dhe i kam dërguar te Spitali i Traumës me fuoristradën time. Po të prisja dhe 1 minutë më shumë vonesë, djali i vogël nuk jetonte më, ishte me 2 plumba në trup dhe 2 në dorën e majtë. Tani jemi në spital në Itali”, ka thënë babai i fëmijës.
