SKRAPAR- Drejtuesi politik i Partisë Demokratike në Berat, Eno Bozdo ditën e sotme ka hedhur akuza ndaj kryebashkiakut Skrapar, Adriatik Mema. Sipas Bozdos, Mema po kërcënon banorët me kempin dhe me vendet e punës.
Ai shtoi se kryebashkiaku Mema po pasurohet me guroret e paligjshme dhe prerjet e pyjeve. Bozdo theksoi se Mema përfaqëson surratin e vërtetë të Rilindjes. Ai më tej tha se më 11 maji skraplinjtë dhe gjithë Shqipëria do të përzërë me votën e lirë këtë qeverisje.
“Adriatiku përfaqëson surratin e vërtetë të Rilindjes. Atë që Rilindja e ka bërë për të gjithë Shqiptarët ky rilindas i vogël është duke e bërë për skrapallinjtë këtu. Nuk mund të pasurohesh Adriatik, qoftë me guroret e paligshme që ke poshtë e përpjetë ti bashkë me të afërmit e tu dhe qoftë me prerjen e pyjeve me kryepleqtë e fshatrave, që i ke vënë në funskionin tënd.Ti pasurohesh dhe njërëzit këtu varfërohen,ti pushtetin nuk mund ta mbash më me dhunë. Në 11 maj, skraplinjtë dhe gjithë Shqipëri do t’ju përzënë me votën e lirë,” tha ai.
