TIRANË- Atentati i mbrëmshëm në Tiranë, kishte për synim eleminimin e bashkëshortes së Roan Brahimit, i vrarë vitin e kaluar në Greqi. Mësohet se atentatorët ngatërruan shënjestër dhe kanë qëlluar makinën e ‘Pelikani Security’, nga e cila mbetën 4 persona të plagosur.
Por kush është bashkëshortja e Roan Brahimit?
Katerina Beqo, jetonte në Greqi së bashku me djalin e saj, në momentin që u vra Roan Brahimi. Teksa ndodhej në park me djalin, Roan Brahimi kishte shkuar për t’i marrë me makinë. Dyshohet se autorët kishin kohë që e vëzhgonin dhe ditën e atenatit e kanë joshur me anë të një vendi parkimin.
Kjo e fundit ka rrëfyer për mediat vendase çaste nga ngjarja e rëndë, ato që ajo arrin të kujtojë pak para atentatit. Beqo ka treguar se Brahimi kishte pak kohë që kishte shkuar në Greqi për të fesuar Pashkët, ndërsa ajo nuk ishte në dijeni për vizitën e tij.
“Nuk dija asgjë, nuk më kishte thënë asgjë, erdhi në Kishë. Të shtunën për Pashkë”, ka thënë ajo.
Duke përshkuar momentet pak para atentatit ajo thotë se i pranishëm ishte dhe fëmija i tyre i cili ka parë të gjithë skenën e krimit.
“Isha në makinë me të, por nuk e mbaj me se çfarë ndodhi. Më pas dola nga makina. Fëmija pa gjithçka. Tani atë e ka mamaja ime, ndërsa unë rri në shtëpi dhe nuk jam aspak mirë”,- ka thënë ajo.
