Zbardhen detaje nga të shtënat me armë zjarri në Lezhë. Mësohet se viktimë ka mbetur babai i Roan Brahimit, i vrarë më 9 Maj 2024 në Virona të Athinës.
Autori i krimit ende nuk dihet ndërsa policia ka nisur kërkimet. Grupi hetimor ndodhet në vendngjarje për të zbardhur shkaqet dhe rrethanat e ngjarjes.
Roan Brahimi alias Sidorel Prendi, i njohur edhe me pseudonimin “Sidi” kishte mbërritur nga Dubai në Athinë dhe u qëllua me armë brenda automjetit të tij në vitin 2024. Policia greke tha se ka dyshime që vrasja e tij mund të ketë lidhje me këtë sagë hakmarrjeje nga Shqipëria.
Po ashtu, Roan Brahimi dyshohet të ketë lidhje edhe me vrasjen Gentjan Bejtjes në 15 mars të këtij viti në Larushk të Krujës.
