Kryebashkiaku i Tiranës, Erion Veliaj, ka kërkuar transferimin nga burgu i Durrësit në atë të Fierit, pas sulmeve verbale dhe dhunës psikologjike të ushtruara ndaj tij nga të burgosurit e tjerë. Sipas burimeve të portalit Timoni.al, Veliaj ka shfaqur shenja të gjendjes së rënduar psikologjike, duke mbajtur flokët e lëshuar dhe duke mos treguar kujdes për pamjen e tij të jashtme.
Në burgun e Fierit, ai pritet të bashkohet me ish-drejtues të grupit 5D, si Taulant Tusha dhe Redi Molla, të arrestuar më herët për abuzim me tenderat në Bashkinë e Tiranës. Ky transferim është kërkuar për të siguruar një ambient më të qetë dhe për të shmangur përballjet me të burgosurit e tjerë.
Erion Veliaj, i arrestuar nga SPAK për korrupsion pasiv dhe pastrim parash, ndodhet në paraburgim në Durrës që nga 13 shkurt 2025. Gjatë qëndrimit të tij, ai ka kërkuar konsultë me një psikiatër, duke pretenduar se nuk ishte në gjendje të mirë psikologjike. Si burime nga burgu i Durrësit, ai marrë vetëm ilaçe për tensionin e lartë, duke sugjeruar se nuk ka pasur probleme të tjera shëndetësore.
Ky zhvillim vjen në një moment të tensionuar për Veliajn, i cili është përballur me akuza të rënda dhe tani kërkon një ambient më të sigurt për të vazhduar qëndrimin e tij në burg.
