Berisha deklaroi:
Janë jo të pakët njerëzit që pyesin, po ku do i gjeni këto para, a është e vërtetë se do i bëni këto?
Unë u garantoj këtu se këto premtime janë larg maksimales që do mund të premtoja. Nuk e kam bërë kurrë që të turpëroj apo të shes veten time.
Këto premtime janë 100 përqind të realizueshme.
Por ama nuk do mund të zhduken kurrë 130 milionë euro siç u zhdukën me djegësin e Tiranës.
Nuk do mundet kurrë që kryeministri të vjedhë 13 milionë euro me xhinsin e vet siç ka bërë me ekoparkun.
Nuk do mundet kurrë që kryeministri juaj të mbajë në dispozicion avion.
Kryeministri i një populli që përdor akoma parmendën, nuk mund të ketë avion në dispozicion.
Ka një Zot që i sheh gjërat.
Nuk mund të zhgërryhet në luks.
Po ua them ju këtu, unë kam shëtitur jo pak, kam qenë në të gjitha kancelaritë e mëdha të botës, por po ua them ju me sinqeritet absolut se kurrë nuk kam parë qeveritarë në luksin që shoh qeveritarët shqiptarë në asnjë vend të lirë e demokratik, përveçse në sulltanate e principata. Merr fund kjo.
Nuk mund të përzihet biznesmeni pse televizioni i tij më kritikon mua dhe ju i paguani pastaj 110 milionë euro Beketit. Jo, kjo nuk mund të ndodhë.
Nuk mund të ndërtohen rrugë me çmim të dhjetëfishtë krahasuar me Kroacinë dhe BE-në.
Nuk mund të ndërtohen shkolla me çmim të dhjetëfishtë.
Modeli i tyre është 5D dhe 5D do të shkojë aty ku e meriton.
Pra o miq, ato premtime që kemi paraqitur para jush, të cilat ua them këtu para jush janë të kontrolluara nga fondacionet më serioze të globit, janë të mbështetura nga ekspertët më të shquar të këtyre fondacioneve, ato premtime janë absolutisht 100 përqind të realizueshme.
Dhe u garantoj ju se gara është e hapur gjersa shqiptarët të paguhen më mirë se të gjithë qytetarët e tjerë të Ballkanit.
Sepse Shqipëria, Durrësi është më i pasur se të gjitha vendet e tjera.
Ndaj dhe këto 28 ditë që kanë mbetur t’i shndërrojmë në ditët e betejës sonë, në ditët e betejës së shansit tonë.
Në ditët në të cilat ne, familja jonë, shoqëria jonë, kombi ynë, dheu ynë, na thërrasin që të jemi misionarë.
Të trokasim në çdo derë, në çdo zemër, në çdo mendje, jo si politikanë, jo si partiakë, por si misionarë.
Ftoj qytetarët e Durrësit të mos harrojnë se votat jo për PD-në, votat jo për koalicionin e saj, janë vota për Edi Rramën.
Çdo votë për patericat e Edi Ramës, është votë për Edi Ramën, është votë kundër rotacionit.
Koha fton shqiptarët të votojnë ndryshimin, të votojnë rotacionin, të votojnë fitoren.
Rrofshi ju, rroftë Durrësi, rroftë Shqipëria.
Fitore, fitore, fitore!
