GAZA- Dy raketa izraelite goditën Spitalin Al-Ahli në qytetin e Gazës në orët e mëngjesit duke shkatërruar departamentin e urgjencës dhe duke shkaktuar dëme të konsiderueshme në ndërtesa të tjera. Stafi spitalor i largoi me nxitim pacientët pas një telefonate paralajmëruese nga dikush që pretendonte se ishte anëtar i forcave izraelite të sigurisë, pak para sulmit.
Deri më tani nuk ka raportime për viktima, ndërsa Forcat e Armatosura izraelite (IDF) ende nuk kanë dhënë asnjë koment mbi sulmin.
Një zëdhënës i Hamasit e dënoi sulmin si një “krim të urryer “, duke shtuar se Izraeli “shkatërroi dhe nxorri jashtë shërbimit qëllimisht 34 spitale si pjesë e një plani sistematik për të çmontuar atë që kishte mbetur nga sektori i kujdesit shëndetësor në Rripin e Gazës”.
Në tetor 2023, qindra njerëz u vranë në një bombë në të njëjtin spital. Zyrtarët palestinezë akuzuan Izraelin se shkaktoi masakrën. Nga ana e tij, Izraeli pretendoi se shpërthimi vdekjeprurës ishte për shkak të një lëshimi të dështuar të raketës nga Xhihadi Islamik Palestinez, diçka që organizata e mohoi.
