TIRANA- Kryetari i Bashkisë së Tiranës, Erion Veliaj, tashmë nën masën “arrest në burg”, u shfaq në në përgjimet e kryera nga organet e drejtësisë në paraburgim duke folur ndër të tjera me fjalë të ashpra ndaj Ministrit të drejtësisë Ulsi Manjës. Ky i fundit ka reaguar së fundmi teka ka dhënë një intervistë për “Kafe me Lolitën”.
Manja edhe pse nuk reagoi drejtpërdrejt kur u pyet për këtë çështje, iu përgjigj kërcënimeve të Veliajt, me një mesazh të koduar, teksa iu referua notit si sport, “një zanat” që sipas tij duhet përvetësuar, në mënyrë që të mos mbytesh në Tiranë, edhe kur afër kryeqytetit nuk ka det.
Manja: Mësoje tani notin. Se në Tiranë duhet not, se në Tiranë duhet me dit not edhe pse nuk ka det afër.
Lolita: E ke fjalën edhe kur përmbytet Tirana apo…
Manja: Jo kur përmbytet Tirana, po duhet me dit not këtu në Tiranë. Konsideroje si zanat këtë punë…këtë punën e notit.
