Ish-mbrojtësi Zheremi Mathju fitoi tripletën me Barcelonën në 2015-ën dhe u largua nga klubi në 2017-ën.
10 vjet pas fitimit të tre titujve me blaugranat, francezi i ka befasuar të gjithë me punën e tij të re. Në moshën 41-vjeçare, ai mbetet i lidhur me sportin, por në një mënyrë mjaft të papritur, pasi është shfaqur si punonjës i një dyqani Intersport në Francë.
Sipas L’Equipe, Mathju punon si një nga menaxherët e seksionit të futbollit. Që kur u bënë virale në rrjet imazhet e tij me uniformën e punës, kompania ka marrë qindra telefonata nga tifozët që duan të shkojnë në dyqan për të takuar ish-lojtarin e Barcelonës.
Në fundjavë, ish-futbollistit ishte atraksioni kryesor në ambient dhe disa klientë që bënin pazaret e tyre të zakonshme nuk ngurruan të bënin fotografi me të.
