KINA- Pekini ka shtuar 11 kompani të tjera amerikane në listën e zezë të Ministrisë Kineze të Tregtisë. Mes tyre, kompanitë e prodhimit të dronëve, Skydio dhe BRINC Drones. Një zëdhënës u shpreh se kompanitë e shtuara në listën e zezë ruajnë bashkëpunimin e teknologjisë së mbrojtjes me Tajvanin, duke minuar sovranitetin kombëtar kinez, sigurinë dhe interesat e zhvillimit.
Në të njëjtën kohë, Pekini akuzon 11 kompanitë për aktivitete të paligjshme, sipas ligjit kinez dhe rregulloreve ekzistuese. Ministria e Tregtisë e Kinës theksoi gjithashtu se Pekini po trajton me maturi çështjet që lidhen me listën e zezë të Ministrisë së Tregtisë, duke synuar një numër të vogël kompanish të huaja që minojnë sigurinë kombëtare të Kinës.
