SHBA- Presidenti Donald Trump po u thotë investitorëve që vijnë në Shtetet e Bashkuara të Amerikës se politikat e tij nuk do të ndryshojnë kurrë, pasi shpalli tarifa gjithëpërfshirëse që e kanë çuar tregun e aksioneve në një kaos.
Ky është një sinjal nga Trump se ai po qëndron i palëkundur në tarifat e tij bazë prej 10% për importet nga të gjitha vendet, me tarifa më të larta për 60 vende që kanë një deficit të lartë tregtar me Shtetet e Bashkuara.
“Kjo është një kohë e shkëlqyer për t’u pasuruar, për tu bërë më të pasur se kurrë më parë!!!”, u shpreh Trump të premten në Truth Social.
Presidenti amerikan komentoi edhe përmirësimin në tregun e punës në SHBA, i cili në mars shtoi 228,000 vende të reja pune, duke thënë: “Numrat tregojnë punën e madhe që po bëhet, janë shumë më të mira se sa pritej. (Politikat tona) tashmë po funksionojnë. Ne mbajmë fort, nuk mund të humbasim.”
Mbrëmë, në bordin e Air Force One, Trump sugjeroi se ai ishte i hapur për të negociuar me vendet e tjera për tarifat, duke u thënë gazetarëve se “çdo vend thërret” SHBA-në që nga njoftimi i tij, por kjo do të varet nëse ata ofrojnë diçka në këmbim.
“Tarifat na japin fuqi të madhe për të negociuar”, tha Trump.
Galeria fotografike (
1 / 2
)
