Një 41-vjeçar i shpallur në kërkim për armëmbajtje pa leje dhe vënia në dispozicion e lokaleve për lojëra fati është arrestuar në pikën kufitare të Morinës.
“Nga verifikimet, D. K., 41 vjeç rezultoi i shpallur në kërkim për llogari të Komisariatit të Policisë Nr. 4, pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Vënia në dispozicion e lokaleve për lojëra të palejuara”, thuhet në njoftimin e Policisë.
Blutë bëjnë me dije gjithashtu se 41-vjeçari dorëzua shërbimeve të Komisariatit të Policisë Nr. 4, të cilët ekzekutuan masën e sigurisë.
