TIRANA- Ditën e sotme, parashikohet rritje graduale e vlerave barike duke sjellë në territorin shqiptar mbizotërim të motit të kthjellët dhe vranësirave të lehta e kalimtare, ku më të theksuara vranësirat do të jenë në skajin Jugor-Juglindor, duke sjellë rrebeshe të izoluara shiu.
Pjesa e dytë e ditës dhe në vijim, do të shtojë vranësirat në të gjithë territorin duke gjeneruar shira, ku herë pas here do të jenë rrebeshe. Temperaturat e ajrit do të ulen në mëngjes, por rriten në mesditë duke luhatur vlerat ditore nga 3°C vlera minimale e shënuar në qytetin e Pukës deri në 22°C vlera maksimale, e cila pritet në Durrës dhe Sarandë.
Temperaturat minimale dhe maksimale të ajrit pritet të arrijnë:
në bregdet: 10 / 20 °C,
në vendet e ulëta: 8 / 21 °C,
në vendet malore: 3 / 14 °C.
