Fatbardh Mneraj, 34 vjeçari shqiptar i arratisur nga burgu i Bolonjës tre ditë më parë, 28 mars, është arrestuar nga policia.
Ai është gjetur në Imola, ku kishte bashkëshorten dhe djalin, bëjnë me dije mediet italiane.
Mneraj, përfitoi nga regjimi i gjysmëlirisë, që i lejon të burgosurit të punojnë ose të marrin pjesë në aktivitete të ndryshme edukative dhe u largua mbrëmjen e 28 marsit.
34-vjeçari, është arratisur në momentin që do të transferohej nga ndërtesat ku qëndrojnë të burgosurit gjysmë të lirë, të cilat ndodhen jashtë murit rrethues, në godinën qendrore të Dozza-s.
Një hipotezë është ai ka përfituar nga një derë e lënë hapur dhe ka arritur të largohet pa gjurmë.
Cili është regjimi i gjysmëlirisë?
Është një nga përfitimet e parashikuara për të burgosurit që vendoset nga Gjykata. I dënuari lejohet të kalojë një pjesë ose të gjithë ditën jashtë burgut për të marrë pjesë në aktivitete pune, edukative ose riintegrimi shoqëror.
Për t’u pranuar në gjysmëliri, i burgosuri duhet të ketë kryer të paktën gjysmën e dënimit kur dënimi i shqiptuar është më i gjatë se gjashtë muaj.
Mineraj ishte në burg për krime të lidhura me drogën që nga viti 2023 dhe dënimi i tij do të përfundonte në vitin 2028.
