TIRANË- Gjykata e Tiranës ka dënuar me 18 vite burg Axel Hoxhaj. I riu është dënuar pasi ai në prill të vitit 2023 vrau me thikë bashkëmoshatarin e tij, Stiven Toshkesi. Ngjarja e rëndë u regjistrua pas një konflikti fizik në Tiranë si pasojë e një ngacmimi ndaj një vajze.
Gjykata ka shpallur fajtor për moskallëzim krimi mikun e Hoxhajt, Ensi Maze. Ai ishte i pranishëm gjatë konfliktit. Sipas vendimit të gjykatës, përplasja mes dy të rinjve, pavarësisht motiveve të dobëta, kishte përfshirë grupet e tyre shoqërore në një përpjekje për të gjetur informacion dhe vendndodhjen e njëri-tjetrit.
