POGRADEC- Një plagosje me thikë ka ndodhur mbrëmjen e sotme në Pogradec. Ngjarja ka ndodhur në dalje të qytetit ndërsa sipas informacioneve policore, një 36-vjeçar ka mbetur i plagosur dhe është dërguar në spital për ndihmë mjekësore.
Plagosja ka ndodhur pas një konflikti që ka nisur në çast pranë një dyqani, ku shtetasi me iniciale L.O., ka debatuar për motive të dobëta me 36-vjeçarin me iniciale M.T. dhe më pas e ka plagosur. Policia po punon për zbardhjen e rrethanave të ngjarjes dhe kapjen e autorit.
“Në lagjen nr 3, rreth orës 20.20, gjatë një konflikti fizik, shtetasi L. O, dyshohet se ka dëmtuar me mjet prerës shtetasin M. T., 36 vjeç, i cili është dërguar në spital për ndihmë mjekësore.
Shërbimet e Policisë vijojnë kontrollet për kapjen e shtetasit L. O. Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit”-njofton policia.
