TIRANË – Disa vite më parë, kryeministri Edi Rama vizitonte ambientet e kompanisë “Dimal” në Kashar, duke e promovuar si një model për sektorin e agropërpunimit në vend. Me kamerat pas, Rama shfaqej përkrah drejtuesve të kompanisë, duke folur për standarde, cilësi dhe “ekspansion të ekonomisë shqiptare”.
Në foto shihet Edi Rama krah biznesmenit Mondi Goxha, që mishin me salmonelë nuk e mbajti të bllokuar por me bekimin dhe heshtjen e autoriteteve e hodhi në 154 dyqane në treg.
Por ironia e fatit është e hidhur. Kompania që dikur shërbente si vitrinë propagande për sukseset e qeverisë me shpërndarjen e fondeve të Ipard, sot është në qendër të një skandali të rëndë që lidhet me sigurinë ushqimore. Një nga lotet e mishit të pulës të shpërndarë nga “Dimal” ka rezultuar i kontaminuar me bakterin Salmonelë, duke vënë në rrezik shëndetin e konsumatorëve dhe duke ngritur pyetje serioze mbi kontrollet dhe përgjegjësinë institucionale.
Fotoja e asaj vizite zyrtare, që dikur përdorej si dëshmi e një historie suksesi, sot bëhet simbol i dështimit të sistemit të sigurisë ushqimore dhe i fasadës që bie sapo ftohet kamerat.
A është siguria e konsumatorit prioritet, apo gjithçka mbyllet me një foto e një status propagande?
A mund të guxonte AKU të bllokonte fabrikën e një biznesmeni që ka mbështetjen e kryeministrit?
