SERBI – Presidenti serb, Aleksandar Vuçiç, e quajti një trillim raportin për përdorimin e një arme zanore gjatë protestave të 15 marsit në Beograd, duke theksuar se ekspertët e NASA-s kishin konfirmuar se një gjë e tillë nuk kishte ndodhur.
Kjo deklaratë u bë nga Vuçiç në një konferencë për shtyp në Bruksel, ku ai argumentoi se asnjë armë zanore nuk ishte përdorur gjatë ngjarjeve të përgjakshme.
Megjithatë, media serbe N1 kontaktuan NASA-n për të verifikuar pretendimet e presidentit serb. Agjencia Hapësinore e SHBA-ve, në përgjigje të kërkesës nga N1, sqaroi se nuk kishte asnjë informacion lidhur me ngjarjet në Beograd dhe nuk kishte marrë kërkesa për të analizuar pamjet e protestës.
NASA përgënjeshtroi kështu pretendimet e Vuçiçit, duke theksuar se nuk ishte angazhuar në ndonjë analizë për këtë çështje.
Në një kohë që Vuçiç e përmendi Jonathan Moore, një ish-diplomat amerikan, në lidhje me deklaratat për sindromën e Havanës dhe përdorimin e armës zanore, N1 sqaroi se Moore nuk ka lidhje me ekspertizën neurologjike, akustike, apo ushtarake, dhe nuk është një specialist që mund të vërtetonte pretendimet për përdorimin e armëve zanore në protestën e Beogradit.
Ky zhvillim shton më shumë pasiguri dhe kaosi lidhur me ngjarjet e 15 marsit dhe mënyrën sesi autoritetet serbe i kanë paraqitur ato publikisht.
