TIRANË- Kryedemokrati Sali Berisha komentoi listën e PD në qarkun Tiranë për zgjedhjet parlamentare të 11 majit. I ftuar në emisionin Top Story në Top Channel, Berisha theksoi se lista e PD-së për Tiranën është e ekuilibruar dhe me diversitet. Po ashtu Berisha shtoi se nuk ka krahasim mes listave të PD-së dhe të PS-së, për shkak se të PD-së janë emra personalitetesh të shquar.
“Është e vërtetë që mbrojtje i është dhënë fibrës politike të partisë, fibrës politike, duke ruajtur plotësisht bashkimin në diversitet siç e shpallëm, lista e hapur e kryetarëve të qarqeve është 100% e ekuilibruar, por këta nuk janë aty pse erdhën dhe u bashkuan, por se janë me eksperiencë të çmuar elektorale, fushata do organizatorë sidomos ky sistem bizar, u zgjodhën si fibër politike, ka qenë e qëllimshme, nëse i krahason këta nuk gjen në listë Lubi Ballukun. Krahaso Spiropalin 5 milionëshe, apo Spirogjokën me Jozefina Topallin, nuk gjen Taulant Ballë. S’kam mundur me gjet asgjë nga ata, po të kalojmë tek lista e hapur ka të rinj, eksponentë, politikanë dhe besoj se është dinjitoze, janë emra personalitetesh të shquar, emra të rinjsh brilantë,” tha Berisha.
