TIRANË – Gazetarja Anila Hoxha, ka dhënë detaje këtë të mërkurë në lidhje me ngjarjen e raportuar pak ditë më parë në Vlorë ku 40-vjeçari Rinald Rakipaj u arrestua nga policia pasi dyshohet se ka abuzuar seksualisht me një vajzë 15-vjeçare.
E ftuar në emisionin Top Story, Hoxha ka deklaruar se e mitura largohej vazhdimisht nga banesa e saj. Hoxha ka treguar se 40-vjeçari së bashku me një 33-vjeçar, ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Këto të fundit ishin gjimnaziste thotë Hoxha dhe kishin dalë për një xhiro në zonën e Lungomares në momentin që njëri prej të dyshuarve i ka marrë të miturat dhe fillimisht ju ka bërë xhiro me makinë.
Hoxha shton më tej se pasi kanë përfunduar shëtitje kanë kërkuar të ripërsëritet xhiro dhe kanë kërkuar të qëndrojnë së bashku se do marrin leje nga prindërit me pretendimin se janë tek njëra-tjetra.
Pas xhiros me makinë Hoxha thotë se kanë shkuar në hotel ku dhe është abuzuar dhe përdorur lëndë narkotike ndaj të miturave. Sipas gazetares, kokaina është ofruar vetëm ndaj 15-vjeçares, drogën e kishte Rakipaj, i cili rezulton se ishte me precedent në fushën e drogës. Hoxha thotë se palët kanë qëndruar në hotel deri në mëngjes.
“Vazhdimisht largohej nga shtëpia dhe nëna e vet kishte kërkuar në polici, e cila largohej fikte telefonin, megjithëse kërkonte ndihmën nuk ia ka dalë mbanë të kontaktojë me psikologë, rezulton se e kishte braktisur shkollën, ishin gjimnaziste dhe shoqe me 15 vjeçaren. Të treja kanë dalë xhiro në Lungomare, njëri prej të dyshuarve njihte nxënësen e shkollës dhe kanë bërë shëtitje me makinën e tij, nën hetim është edhe një tjetër për moskallëzim krimi.
Pasi kanë përfunduar shëtitje kanë kërkuar të ripërsëritet xhiro dhe kanë kërkuar të qëndrojnë së bashku se do marrin leje nga prindërit se janë tek njëra-tjetra. Si në momentin që kanë vendosur të qëndrojnë në hotel si është pranuar regjistrimi i tyre. Kokaina është ofruar vetëm ndaj 15-vjeçares, drogën e kishte Rakipaj, i cili rezulton se ishte me precedent në fushën e drogës, deri në mëngjes kanë qëndruar, pritet përgjigjja e mjekësisë ligjore. Në momentin që të treja kanë nisur të tregojnë se çfarë ka ndodhur, nuk është ngritur ende vepra e abuzimit, por vetëm e drogës”,- deklaroi Hoxha.
