Prokuroria e Tiranës përfundoi hetimet për Ervin Muça, drejtor i Departamentit për Teknologjinë dhe Informacionit në Policinë e Shtetit fhe dorëzoi dosjen për gjykim në gjykatë.
Ndaj Muçës rëndon akuza “Hyrje të paautorizuar kompjuterike”. Zyrtari i lartë akuzohet se ndërhyri në sistemin TIMS dhe kopjoj të dhënat, të cilat asnjëherë nuk u mësua se ku përfunduan. Prokuroria ndërkohë po vijon hetimet për akuzën e shpërdorimit të detyrës, në një dosje te veçuar. Skandali i TIMS është një nga ngjarjet më të rënda të ndodhura ndër vite. Për këtë skandal u ngrit dhe një komision i Posaçëm hetimor që drejtohej nga ish-deputeti demokrat Ervin Salianji.
