Drejtuesi politik i PD-së për Tiranën, Belind Këlliçi, me anë të një postimi në rrjetet sociale ka denoncuar një rast të asfaltit elektoral në Bashkinë e Tiranës.
Këlliçi i bën thirrje Task Forcës së ngritur nga SPAK-u për zgjedhjet të hetojë krimet zgjedhore.
“Thirrje publike për Task Forcën e SPAK për zgjedhjet! Ja ku e keni live, asfaltin elektoral të Bashkisë Tiranë, në rrugën Shyqyri Peza, në Njësinë nr.4. Ora është 23:12! Shkoni tani, kapini në flagrancë ata që kanë 10 vite tallen me banorët e Tiranës çdo palë zgjedhje, duke u shtruar rrugë me asfalt, i cili nuk mban as 3 muaj! Ky është krim zgjedhor i përsëritur në çdo dy vite dhe askujt nuk i hyn gjembi në këmbë! Të na rrojë Task Forca”, shkruan Këlliçi./
