Kryetari i partisë “Mundësia”, Agron Shehaj dhe Pano Sko, bashkëkryetari i “Nisma Thurje” që është në koalicion me “Shqipëria bëhet” e Adriatik Lapajt, debatuan për listat e mbyllura. Ndërsa Shehaj tha se ata gabuan me Sulën dhe futjen e familjarëve, Soko iu përgjigj që njerëzit kur vijnë në politikë hyjnë për të garuar, jo për t’i bërë fresk kryetarit, siç ndodh te partia e Shehajt.
Shehaj: Lëvizja që bënë këta përveçse ishte populiste, ka nxjerrë shumë probleme. Në momentin e parë futën Dash Sulën, edhe pse thanë do të rrëzojnë sistemin, futën prindërit, dhe pasi reaguan qytetarët në rrjetet sociale, thanë t’i heqim. Po e bëre në mënyrën e gabuar, të kthehet në bumerang.
Soko: Po fol për partinë tënde.
Shehaj: Po më mbyll gojën?
Soko: As ti s’ma mbyll gojën mua.
Soko: Nuk flet dot për mua, do të flas unë për veten. Mos më qaj hallin. Mos më trash zërin.
Soko: Nuk flet dot për mua.
Shehaj: Do të flas që çke me të.
Soko: Do të flas unë.
Shehaj: Ore do të flas unë.
Soko: Për mua nuk flet dot ti për mua. Mos ma qaj hallin. Do të shikosh kur të vijë dita e zgjedhjeve.
Shehaj: Ore unë do të flas. Je mirë ti vlla? Do të më thuash mua ti për çfarë të flas? Unë do të flas për ty se më ka ftuar Rakipi.
Soko: Mos më fol mua. Mos më trash zërin mua, more vesh? Në rregull?
Shehaj: Lëri këto budallëqe tani.
Shehaj: Je mirë nga mendja ti?
Soko: Çfarë halli ke ti?
Soko: Do të flas unë. Ore, ç’është ky more vlla?
Shehaj: Ore fol sa të duash, por më lër ta mbaroj. Je mirë nga mendja? Më lër të mbaroj.
Soko: Nuk të lë të mbaroj se je gabim.
Shehaj: Nuk je ti që vendos nëse jam gabim. Jam përplasur me ministra dhe deputetë dhe askush s’më ka penguar të them mendimin tim.
E vërteta që djeg shumë është se këta bënë një lëvizje populiste, por u doli huq. Ne nuk e bëmë se me qytetarët duhet të jemi transparentë. Këta kanë zgjedhur një rrugë tjetër. Mund të vendonin anëtarë të partisë që nuk kishin ambicie për t’u bërë deputetë, jo familjarë. Tjetra me Dash Sulën që e morën pastaj e hoqën. Dhe gafa ishte se thanë nuk është e vërtetë. Dhe ju vërsulën opinionit publik.
Soko: Ta vazhdoj unë, se e ke thënë 4 herë gënjen. Dash Sula është njeri që ka patur integritetin që ia ka thënë Sali Berishës në sy çfarë ka patur. Ndërsa sa i përket prindërve i kishim si garanci. Njerëzit kur vijnë në politikë hyjnë për të garuar, jo për t’i bërë fresk kryetarit. Te Goni vijnë për t’i bërë fresk atij.
Lista e hapur te zoti Shehaj janë kot se janë ca skllevër që do të punojnë që të behet ai deputet. Ky debati real është të jesh me të renë apo të vjetrën.
Rakipi: Po ju pse intimidoheni?
