“Sapo përfundova një telefonatë të shkëlqyer me Presidentin Zelensky që zgjati rreth një orë.”
Kështu shkroi presidenti amerikan Donald Trump në “Truth”, duke specifikuar se biseda ishte kryesisht për telefonatën e djeshme me presidentin Putin për të lidhur Rusinë dhe Ukrainën për sa i përket kërkesave dhe nevojave.
“Ne jemi në rrugën e duhur dhe do t’i kërkoj Sekretarit të Shtetit Marco Rubio dhe Këshilltarit të Sigurisë Kombëtare Michael Waltz që të japin një përshkrim të saktë të pikave të diskutuara. Kjo deklaratë do të publikohet së shpejti”, shtoi Trump.
Ndërkohë mësohet se takimi mes presidentit rus Vladimir Putin dhe atij amerikan Donald Trump do të zhvillohet në Arabinë Saudite. Këtë e kanë bërë të ditur mediat ruse duke u bazuar ën informacionet e Kremlinit. Zëdhënësi Dmitry Peskov ka deklaruar se takimi nuk u trajtua në telefonatën e djeshme mes dy liderëve.
