Kristjan Asllani janë dy futbollistët e radhës që analizuan duelin Angli-Shqipëri, duke pohuar se janë të gjitha gjasat për të marrë rezultat pozitiv.
Kombëtarja shqiptare zhvilloi konferencën e radhës për shtyp, e cila është e fundit në vendin tonë, në prag të duelit me Anglinë. Dy futbollistët e përzgjedhur ishin Kristjan Asllani dhe Nedim Bajrami, të cilët analizuan “3 luanët”.
Për mesfushorin e Interit, në ishull nuk do të shkohet si turistë, por për fitore.
“Janë skuadër e fortë fiziko-teknike, besoj se shkojmë atje, nuk mendohemi gjatë, luajmë me zemër, jo të shkojmë si turistë. Hyjmë në fushë për fitore, e dimë që është e vështirë, por shkojmë me shpirt,” tha Asllani.
Sa i përket pritshmërive ndaj tij, pyetjes së Euronews Albania, mesfushori e konsideroi thashethem gazetaresk.
“Nuk e di çfarë prisni nga Asllani, janë llafe gazetarësh, mendoj për ekipin, nuk luaj për vetë, nuk më intereson,” tha Asllani.
Më tej, Bajrami bëri një krahasim të këtij dueli me atë të viteve më parë, ku Shqipëria u përball po me Anglinë.
“Ndeshja me Anglinë ka kaluar, kjo është tjetër, duhet të përgatitemi mirë, e dimë çfarë kualiteti ka kundërshtari, cunat janë gati,” pwrfundoi Bajrami.
Kombëtarja shqiptare është drejt fundit të përgatitjeve në vendin tonë, ndërsa të mërkurën niset drejt Anglisë.
