TIRANË – Kryeministri Edi Rama u është përgjigjur live pyetjeve në komentuesve në rrjete sociale përmes rubrikës Sy m’sy. Një komentues i thotë Ramës që qeveria e këtij të fundit duhet të mbarojë njëherë rrugët e lëna përgjysëm pastaj të flasë për anëtarësimin në BE.
Lidhur me këtë kryeministri thotë se qeveria e tij nuk ka lënë asnjë rrugë përgjysëm, ndërsa ka sjellë në vëmendje hapjen e Tunelit të Murrizit. Rama thotë se ky i fundit u kthye në një kalvar për shkak edhe të kushteve gjeologjike, dhe u desh të ribëhej komplet projekti i stabilizimit.
Referuar pyetjes së komentuesit Rama shtoi më tej se do flasë edhe për pasaportën europiane dhe anëtarësimin në BE pasi kjo sipas tij është shumë e rëndësishme. Rama thotë se marrja e pasaportës europiane është më shumë se një lëvizje e lirë, pasi aktualisht ne jemi qytetarë të dorës së dytë thotë kreu i qeverisë dhe pasaporta europiane na bën qytetarë të dorës së parë.
Rama: Tuneli i Murrizit u kthye në një kalvar. U desh të ribëhej komplet projekti i stabilizimit dhe u bë praktikisht një tunel i blinduar. Murrizi është një tub i blindar i gijthi me hekur. Por e them këtë sepse ka të papritura herë pas here. Punë pa mbaruar ne nuk lëmë. Tunelet rrugët infrastrukturat etj janë të rëndësishme indirekt. Pasaporta europiane është direkt e rëndësishme. Marrja e pasaportës europiane, të gjithë duhet ta kemi parasysh është shumë më tepër se lëvizje e lirë. Sot kemi pasaportë që na lë mundësi të lëvizim por jo të ndalojmë. Pa hyrë mirë akoma na pyesin në aeroport kur do të ikësh. Jemi qytetarë të dorës së dytë. Pasaporta europiane na bën qytetarë të dorës së parë sepse nuk ka më kufi dhe nuk hyjmë më në radhë. Mund të kërkojmë punë ku të duam dhe nëse kemi një shërbim shëndetësor mund ta marrim njëlloj si qytetarët e atij vendi ku shkojmë. Nëse bëhemi bashkë më 11 maj, në 2027 janë në fund negociatat. Duhet të marrim një mandat të fuqishëm më 11 maj.
