Silvinjo ka plotësuar grupin në stërvitje, me lojtarë që nuk kanë ftesë zyrtare për sfidat e marsit. “Panorama Sport” raporton se aktualisht nën urdhërat e Silvinjos janë Rrok Toma, Ysni Ismaili, Aldi Gjumsi dhe Altin Bytyçi.
Toma, Gjumsi dhe Ismaili kanë luajtur për Shqipërinë U-21. Në anën tjetër Bytyçi po i shërben Silvinjos për mbrojtjen, dhe pse te Partizani ka munguar për shkak dëmtimi.
Sot u zhvillua stërvitja e parë në “Shtëpinë e Futbollit”. Grupi pritet të plotësohet në vijim, teksa ndeshja e parë është me Anglinë, më 21 mars.
