Sot shënohen 17 vjet nga shpërthimi tragjik në fabrikën e municioneve në Gërdec, i cili mori jetën e 26 personave dhe la 300 të tjerë të plagosur. Ngjarja e rëndë shkatërroi gjithashtu banesat e zonës.
Hetimet për këtë tragjedi kanë pasur vonesa të mëdha, dhe vetëm pas një dekade e gjysmë, SPAK dorëzoi dosjen në Gjykatën e Posaçme Antikorrupsion. Ish-ministri i Mbrojtjes, Fatmir Mediu, akuzohet për shpërdorim detyre, ndërsa ky proces është nxitur nga një denoncim i një familjeje nga Gërdeci.
