TIRANA- Aktorja Julia Ilirjani, tenori Armaldo Kllogjeri, Fotini Derxho dhe Jetmir Salaj, të katërt ish-banorë në edicionet e Big Brother Vip do të kandidojnë në listat e partive politike për zgjedhjet e 11 majit.
Ditën e djeshme u zbardh lista e kandidatëve për deputetët e Partisë Demokratike, por jo vetëm, në qarkun e Elbasanit, dhe mes emrave të listës së hapur ishte dhe ai i tenorit Armaldo Kllogjeri, i cili ishte pjesë e edicionit të dytë të “Big Brother VIP Albania”.
Armaldo Kllogjeri
Edhe aktorja e njohur Julia Ilirjani do të kandidojë në zgjedhjet e 11 majit krah Partisë Demokratike. Ish-banorja e “Big Brother VIP 3” do të jetë pjesë e listës së kësaj force politike në qarkun e Tiranës, listë e cila udhëhiqet nga kryedemokrati Sali Berisha.
Julia Ilirjani
Gjithashtu një tjetër ish-banore e Big Brother që do të kandidojë për deputete në zgjedhjet parlamentare të 11 majit është dhe Fotini Derxho, e cila kryeson listën e partisë Mundësia të Agron Shehajt në qarkun e Gjirokastrës.
Fotini Derxho
Listës së “yjeve” të BBV që kalojnë në sferën politike i bashkohet dhe Jetmir Salaj i cili do të kandidojë për deputet në zgjedhjet parlamentare të 11 majit 2025, si pjesë e listës së partisë “Shqipëria Bëhet”, e drejtuar nga Adriatik Lapaj.
Jetmir Salaj
Galeria fotografike (
1 / 4
)
