Berati do të shkojë në zgjedhje të parakohshme lokale pas dorëheqjes së Ervin Demos nga posti.
Demo dha dorëheqjen nga posti i kryebashkiakut të Beratit pasi do të kandidojë për deputet në zgjedhjet parlamentare të 11 majit.
Prefektura e Beratit i ka dërguar shkresë KQZ-së, ku njofton vakancën në bashki pas dorëheqjes së Ervin Demos.
“Lënda: Njoftim mbi dorëheqjen e Kryetarit të Bashkisë Berat z.Ervin Demo. Këshilli i Ministrave Tiranë.
Në institucionin e Prefektit të Qarkut Berat është administruar shkresa me nr. 1446/1prot, datë 11.03.2025 e Këshillit të Bashkisë Berat me lëndë “Njofim mbi dorëheqjen e Kryetarit të Bashkisë Berat”.
Në zbatim të ligjit nr.139/2015″Për VetëQeverisjen Vendore” neni 61″Përfundimi para kohe i mandatit të Kryetarit të Bashkisë” pika 1,gërma d,pika 2,3 bashkëlidhur po ju përcjellim dorëheqjen nga funksioni i Kryetarit të Bashkisë të z.Ervin Demo.
Duke ju falenderuar për bashkëpunimin. Prefekti i qarkut Valbona Zylyftari”, thuhet në njoftim.
