Kryeministri Edi Rama komentoi hetimet e SPAK ndaj disa socialistëve, duke theksuar se reforma në drejtësi e iniciuar nga qeveria kishte për qëllim pastrimin e sistemit dhe luftimin e korrupsionit.
Ai theksoi se, ndonëse ka probleme me drejtësinë, ato janë pjesë e një procesi të rritjes, dhe se as kryeministri as partia nuk janë përgjegjës për veprimet e individëve që kanë prekur pasurinë e përbashkët, por janë të angazhuar për të mbështetur drejtësinë dhe për të reaguar në mënyrë të duhur.
“Mos harro që hetimet e SPAK i solli përpjekja e rezultati i përpjekjes time me vetëdije të plotë dhe PS për reformën në drejtësi për të pastruar drejtësinë nga llumi shumë i madh që i ishte mbledhur në fyt Shqipërisë e për të dorëzuar shpatën e ndëshkimit, drejtësisë. Kemi probleme me drejtësinë por janë probleme të rritjes. Hetimet duhet të të bëjë të kuptosh sa i pangopur jam ta shoh Shqipërinë shumë lart, dhe kjo do kohën e vet. Kryeministri e partia në pushtet nuk jep llogari pse njëri e tjetri futën duart aty ku s’duhet e preku pasurinë e përbashkët por jep përgjigje për mënyrën se si reagon. Ne e kemi bërë zgjedhjen tonë, jemi në krahun e drejtësisë dhe nuk bëjmë avokatinë e askujt.”
https://www.facebook.com/plugins/video.php?height=314&href=https%3A%2F%2Fwww.facebook.com%2Fediramaal%2Fvideos%2F1298345808124097%2F&show_text=false&width=560&t=0
