Pas një muaji në izolim, Kryetari i Bashkisë së Tiranës, Erion Veliaj, do të paraqitet sot në Gjykatën e Apelit të Posaçëm për të kërkuar lirinë dhe ankimuar masën e arrestit me burg.
Seanca, që do të zhvillohet në orën 10:00, do të drejtohet nga gjyqtari Engert Pëllumbi, i njohur për vendimet e tij të ashpra, siç ishte dënimi i ish-ministrit Saimir Tahiri. Veliaj akuzohet për korrupsion pasiv dhe pastrim parash, ndërsa bashkëshortja e tij, Ajola Xoxa, po hetohet për mosdeklarim pasurie.
Gjatë periudhës së burgimit, Veliaj ka kërkuar lirim, duke argumentuar se nuk ka mundësi të shkatërrojë provat apo të largohet nga vendi. Seanca do të shqyrtojë edhe kërkesat për ndryshimin e masave për disa biznesmenë të akuzuar në të njëjtin çështje.
