Ka sherr brenda kabinetit të Donald Trump mes Elon Musk dhe Sekretarit të Shtetit, Marco Rubio. Musk e akuzoi hapur Rubi-n për mungesë agresiviteti në shkurtimin e stafit të Departamentit të Shtetit, duke i thënë se e vetmja shkarkesë që kishte bërë ishte një punonjës nga vetë ekipi i Musk-ut për “Efiçiencën e Qeverisë”.
i kujtoi Muskut se kishte bërë mbi 1,500 largime përmes paketave të daljes me dorëheqje, duke ironizuar nëse ai priste t’i rikthente në punë thjesht për t’i pushuar sërish. Përballë kësaj, Musk u tregua i papërkulur dhe e minimizoi rëndësinë e argumenteve të Rubios, duke e quajtur atë thjesht “të mirë në televizion”, por jo në drejtim.
Trump ndërhyri për ta mbrojtur Rubion, duke e lavdëruar si një njeri të zënë, që udhëton shumë dhe ka përgjegjësi të mëdha. Në të njëjtën kohë, ai e siguroi Muskun se misioni i tij për të “pastruar qeverinë” do të vazhdonte, por tani me më shumë rafinim dhe koordinim.
Trump shpalli një linjë të re: ministrat do të marrin vendimet, ndërsa ekipi i Muskut do të ketë vetëm rol këshillues. Kjo ishte sinjali i parë i qartë se presidenti është i gatshëm të vërë disa kufij mbi ndikimin e Muskut në administratë, pavarësisht kontributit të tij të madh financiar.
