DURRËS – Detaje të tjera janë zbuluar në lidhje me rastin që u raportua pak ditë më parë në media ku shpendët e Fermës Rea’s u prekën nga gripi. Bëhet me dije se 69 mijë krerë shpendë të fermës Rea’s janë raportuar të ngordhura dhe janë eliminuar për të penguar përhapjen e gripit në kapanonet e tjera.
Po ashtu janë bllokuar dhe 250 mijë vezë të këtij kapanoni dhe AKU do të merret me asgjësimin e tyre. Ndërkohë dy ditë më parë Ministria e Bujqësisë tha se janë marrë masa të menjëhershme për rastin, dhe ferma është vënë në karatinë. Gjithashtu u raportua se janë marrë mostra zyrtare dhe janë dërguar për analizim në Institutin e Sigurisë Ushqimore dhe Veterinarisë.
