TIRANË – Vijon çështja mes kreut të Grupit Parlametar të Partisë Demokratike dhe KESH, në lidhje me kallëzimin e bërë nga kjo e fundit për shpifje. KESH paditi Bardhin për shpifje dhe fyerje pas deklaratave të bëra prej tij në Kuvend mbi përqindjen e humbjes në rrjet të energjisë.
Juristët e KESH kanë propozuar që Bardhi ti tërhiqte deklaratat e tij dhe ti përgënjeshtronte ato por ky i fundit nuk ka pranuar të bëjë diçka të tillë. Kështu është caktuar që çështja mes tyre të kalojë për gjykim më 2 prill.
Bardhi u padit për shpifje nga OSHEE në lidhje me një deklaratë të bërë më datë 18 tetor të vitit të kaluar ku thuhej se OSHEE, ka manipuluar përqindjen e humbjes se energjisë elektrike në rrjet. Për këtë deklaratë kreu i grupit të PD, kreu edhe kallëzim penal në SPAK me dyshimin për shpërdorim detyre.
