FUSHË-KRUJË – Pamjet që shikoni më poshtë janë nga ngjarja që u raportua këtë të mërkurë në Fushë-Krujë, ku një sasi tritoli shpërtheu në një punishte sallami në pronësi të Dorian Mirit.
Lënda plasëse e llojit tritol me sasi 200 gram u vendos në pjesën e jashtme të biznesit, duke shkaktuar vetëm dëme materiale, siç mund të shihet dhe në pamjet e siguruara nga Dosja.al.
Bëhet me dije se fabrika është një biznes familjar, i cili operon prej 30 vitesh dhe është drejtuar nga anëtarët e familjes Miri, ndërsa policia ka nisur hetimet në lidhje me ngjarjen.
Në dëshminë e tij në polici pronari i këtij biznesi, ka deklaruar se nuk ka konflikte apo probleme të mëparshme që mund të kenë çuar në këtë sulm me lëndë plasese.
Blutë kanë shoqëruar dhe marrin në pytje disa persona si dhe po analizohen pamjet e kamerave të sigurisë në zonë, ç’ka mund të ndihmojnë në zbardhjen e kësaj ngjarje që ndodhi gjatë natës në qytetin e Fushë-Krujës, duke krijuar frikë dhe panik te banorët, pasi sipas të dhënave shpërthimi ka qenë mjaft i fortë.
