TIRANË- Shërbimi veterinar ka vendosur një fermë në karantinë në fshati Maliq Muҫo pas njoftimit të Drejtorisë Rajonale të Veterinarisë dhe Mbrojtjes së Bimëve Tiranë për ngordhjen e disa shpendëve. Mësohet se në ferma e vendosur në karantinë është e kompanisë Rea’s. Shërbimi veterinar ka marrë mostra zyrtare dhe janë dërguar për analizim në Laboratorin e Referencës, ISUV. Aktualisht strukturat Rajonale, të Drejtorisë së Përgjithshme të AKVMB dhe Ministrisë së Bujqësisë dhe Zhvillimit Rural janë duke kryer hetimin epidemiologjik, të rastit.
Subjekti raportohet se ka rreth 227 708 krerë në total, të mbarështuara në katër kapanone në pularinë e Njësisë Administrative Rashbull dhe një kapanon në Njësisë Shënavlash, nga të cilët janë raportuar dëmtime vetëm në njërin prej tyre.
Autoriteti Kombëtar i Veterinarisë dhe Mbrojtjes së Bimëve lidhur me situatën shkruan se ka njoftuar 68-subjektet e mbarështimit të shpendëve për angazhimin e tyre në marrjen e masave për biosigurinë në stablimentet e tyre. Ata theksojnë se kanë njoftuar shërbimin veterinar rajonal në rang vendi, për rritjen e vigjilencës dhe monitorimin e situatës. Gjithashtu është njoftuar Autoriteti Kombetar i Ushqimit për rrijen e vigjilences dhe marrjen e masave.
Njoftimi i plotë:
Informacion për publikun nga Autoriteti Kombëtar I Veterinarisë dhe Mbrojtjes së Bimëve
Menjëherë pas njoftimit të Drejtorisë Rajonale të Veterinarisë dhe Mbrojtjes së Bimëve Tiranë, qarku Durrës nga subjekti “Rea’s” shpk me vendodhje në fshati Maliq Muҫo, Njësia Administrative Rashbull, Bashkia Durrës për ngordhje shpendësh, shërbimi veterinar është paraqitur dhe ka vendosur fermën në karantinë.
Ka marrë mostra zyrtare dhe i ka dërguar për analizim në Laboratorin e Referencës – ISUV. Aktualisht strukturat Rajonale, të Drejtorisë së Përgjithshme të AKVMB dhe Ministrisë së Bujqësisë dhe Zhvillimit Rural janë duke kryer hetimin epidemiologjik, të rastit.
Subjekti ka rreth 227 708 krerë në total, të mbarështuara në katër kapanone në pularinë e Njësisë Administrative Rashbull dhe një kapanon në Njësisë Shënavlash, nga të cilët janë raportuar dëmtime vetëm në njërin prej tyre.
Gjithashtu, Autoriteti Kombëtar i Veterinarisë dhe Mbrojtjes së Bimëve lidhur me situatën: ✓ Është në fuqi Urdhri për rritjen e masave të Biosigurisë; ✓ ka njoftuar 68-subjektet e mbarështimit të shpendëve për angazhimin e tyre në marrjen e masave për biosigurinë në stablimentet e tyre;
✓Ka njoftuar shërbimin veterinar rajonal në rang vendi, për rritjen e vigjilencës dhe monitorimin e situatës. ✓Ka njoftuar Autoritetin Kombetar te Ushqimit per rrijen e vigjilences dhe marrjen e masave.
