Gjykata e Lartë ka miratuar masën “arrest në burg” për Klajdi Merkajn, i ekstraduar nga Roma në nëntor 2024, pas kërkesës nga Prokuroria e Posaçme Antikorrupsion.
Merkaj, i akuzuar për “Pastrimin e produkteve të veprës penale”, dyshohet se ka pastruar paratë e vëllezërve Çopja, Hajdar dhe Franc Çopja.
Pas shqyrtimit të rekursit të mbrojtjes, Gjykata e Lartë ka vendosur të mbajë të njëjtën masë sigurie, duke refuzuar kërkesën për ndryshim të saj.
