TIRANË- Një ngjarje e rëndë ka ndodhur në Tiranë, ku një punonjës i “Banaking” është aksidentuar në vendin e punës. Sipas informacioneve për Dosja.al, punëtori e kishte humbur shikimin në njërin sy dhe ishte dhe pa dokumentat përkatës. Bëhet me dije se për këtë, kompania ka marrë gjobë të lartë nga inspektoriati i punës por kjo nuk është publikuar nga policia
Ndërkohë aksidenti ka ndodhur teksa punëtori po hapte arkat e bananeve në kontenier, i ka ikur bisturia nga dora dhe e ka goditur në sy.
Si pasojë, punonjësi ka marrë dëmtime të parikuperueshme në sy dhe rrezikon të humbasë edhe shikimin. Bëhet me dije se firma “Zico” e Trifon Muratajt ka deklaruar se punëtori ka ikur pa njoftuar në spital privat me një nga kolegët.
Spitali privat nuk e ka pranuar dhe e ka dërguar në shtet. Pas dërgimit në spital është njoftuar edhe Policia e Shtetit lidhur me ngjarjen, ku kanë nisur edhe hetimet. Por policia nuk ka publikuar asnjë njoftim zyrtar për aksidentin e ndodhur. Punëtori aktualisht ndodhet te spitali Francez në kryeqytet.
