Gazetari Artan Hoxha u shpreh se Rama me mbledhjen që bëri këtë të enjte me punonjësit e administratës së Bashkisë së Tiranës, i vuri kryebashkiakut të arrestuar Erion Veliaj, qivurin poltik, madje duke shtuar se deri këtu munda të të mbroja. Hoxha i ftuar në emisionin ‘Çim Peka Live’, tha se Rama nuk mund të bënte lëshim më të madh se Erion Veliaj, në prag të zgjedhjeve të përgjithshme parlamentare, pavarësisht mbrojtjes që i bëri në dosjet e tjera të copëzuara tashmë, ajo e incineratorit të Tiranës dhe 5D.
Sipas gazetarit Hoxha, mesazhet që ka dhënë Rama për SPAK, për telefonin e tij që të mos ia sekuestrojnë, janë për konsum publik, por shqetësuese për të është fakti se kryeministri ka kërcënuar Strukturën e Posaçme me ndërprerjen e burimeve njerëzore dhe ekonomike, duke i vënë sipas tij ‘kufirin te thana’. Për të hetuar Ramën, sipas gazetarit Hoxha, mjafton të hapen bisedat në telefonatat e përgjuara në zgjedhjet e 2021.
“Rama na bëri një nder me paraqitjen sot, tregoi se ishte skenografi. Ne do e shohim në vijimësi që do i shkelë ligjet. Para 34 vitesh, busti ka qenë nga krahu i Bankës së Shqipërisë, sot kishim një Skëndërbe përballë dhe Skëndërbeu tjetër është mbuluar… M’u duk sipari, vendosi epitafin, qivurin politik të Erion Veliajt, e përcolli si trimat. Me këtë rast Rama s’mund të bëntë lëshim më të madh se Veliaj. Veliaj korri atë që kishte mbjellë, sepse s’kishte mundësi më ku ta mbronte. Rama e mbrojti tek incineratorët, e copëzuan dosjen”, tha ai.
