Donald Trump ka përsëritur planin e tij për një “marrje” të Gazës nga SHBA.
Plani i Trump – i njoftuar për herë të parë të martën mbrëma – u refuzua nga palestinezët dhe udhëheqësit në mbarë botën të mërkurën.
Por presidenti amerikan duket se është dyfishuar – ja çfarë sapo shkruan ai në platformën e tij “Truth Social“:
“Rripi i Gazës do t’i dorëzohet Shteteve të Bashkuara nga Izraeli në përfundim të luftimeve. Palestinezët, njerëz si Chuck Schumer, do vendosen në komunitete shumë më të sigurta dhe më të bukura, me shtëpi të reja dhe moderne, në rajon.
Ata në fakt do të kenë një shans për të qenë të lumtur, të sigurt dhe të lirë.
SHBA, duke punuar me ekipe të mëdha zhvillimi nga e gjithë bota, do të fillonin ngadalë dhe me kujdes ndërtimin e asaj që do të bëhej një nga zhvillimet më të mëdha dhe më spektakolare të këtij lloji në Tokë.
Nuk do të nevojiten ushtarë nga SHBA!
Stabiliteti për rajonin do të mbretërojë!!!”
Chuck Schumer është lideri i pakicës në Senat dhe një demokrat.
Në një fjalim javën e kaluar, ai kritikoi Trump se ishte “i pamatur dhe i paligjshëm“./BBC
