Grupi kriminal i laboratorëve të përpunimit dhe trafikimit të laboratorëve të drogës, kishte hierarkinë e saj. Burime pranë grupit hetimor bëjnë me dije se rolet kryesore, luheshin nga Geis Fejsullai në banesën e të cilit u zbulua në Tiranë edhe një prej pikave të përpunimit të kokainës që më pas nxirrej në treg. Vijonte me Klajdi Birçen, Artion Çaushllari, një personazh që ka ushtruar edhe funksione publike dhe Endi Sejdinin. Pjesë e këtij grupi të trafkut të drogës është edhe Aldi Zonja, djali i ish drejtorit të TVSH, Artur Zonja.
Sipas disa burimeve bëhet me dije se Aldi Zonja ka ingranuar në grupin e drogës edhe babain e tij i cili prej disa kohësh është zhvendosur në Shtete të Bashkuara të Amerikës, ku prej atje dyshohet se bën ndërmjetësimin e trafikut, me bosët e lendeve narkotike. Burime bëjnë me dije se Artur Zonja aktualisht kamuflohet si shofer taksie në SHBA, ndërsa pasuria e tij në Tiranë kanë vlera të konsiderueshme, pasi nga aktiviteti kriminal i të birit kanë arritur të blejnë prona në zonat më të pëlqyera të kryeqytetit.
Ndërkohë SPAK ka provuar dy raste të ngarkesave me kokainë vinte e fshehur në lëkurat e gjedheve përmes rrugëve detare me anije. Ngarkesat njëra prej të cilave ka mbërritur në Shtator dhe tjetra në Nëntor të këtij viti, niseshin nga Amerika Latine dhe kanë bërë transit në portet italiane për të mbërritur në brigjet shqiptare. Burime pranë grupit hetues, konfirmojnë se kanë qenë në dijeni të këtyre lëvizjeve, por janë koordinuar me partnerët e huaj që të mos ndaloheshin për të gjurmuar, destinacionin dhe personat që merreshin me këtë aktivitet.
