Kombëtarja shqiptare, përballet me Çekinë, në ndeshjen e vlefshme për Ligën e Kombeve.
Kuqezinjtë synojnë me çdo kusht fitoren, e cila do i afronte më shumë me objektivin që është vendi i parë në grup.
Përveç kësaj, Shqipëria kërkon edhe një lloj “hakmarrje”, për atë humbje 2-0 në ndeshjen e parë në Pragë.
Siç e tha edhe trajneri Silvinjo, ndeshjet me Çekinë, janë kthyer si një derbi, për shkak të përballjeve të shpeshta në vitet e fundit.
Ajo e kësaj të shtune, do të jetë ndeshja e pestë mes dy kombëtareve, me Shqipërinë që numëron një fitore, kundrejt dy humbjeve dhe një barazimi.
Pak minuta para fillimit, janë zbuluar edhe titullarët që do të zbresin në fushën e lojës.
FORMACIONET ZYRTARE:
SHQIPËRIA: Strakosha, Balliu, Ismajli, Ajeti, Mitaj, Ramadani, Asllani, Laçi, Bajrami, Asani, Tuci.
Trajner: Silvinjo
ÇEKIA: Kovar, Kufal, Holesh, Jemelka, Boril, Çerv, Suçek, Çerni, Shulc, Provod, Hori.
Trajner: Ivan Hashek
