Marrëveshja mes Shqipërisë dhe Italisë për menaxhimin e emigrantëve ka sjellë ndryshime në strukturën e forcave të sigurisë që mbikëqyrin qendrat e emigrantëve në Shëngjin dhe Gjadër.
Numri i agjentëve do të ulet nga 220 në 170, për të mbuluar shërbimet minimale të nevojshme. Kjo vjen pas vështirësive ligjore dhe kthimit të disa grupeve të emigrantëve që ishin dërguar në Shqipëri, pasi Gjykata italiane vendosi që ata të riktheheshin në Itali.
Qeveria italiane, megjithatë, ka shprehur angazhimin për të vijuar me këtë marrëveshje dhe beson se Gjykata e Drejtësisë Evropiane do ta mbështesë qëndrimin e saj, duke argumentuar se procedurat janë të drejta dhe në përputhje me ligjet ndërkombëtare. Pavarësisht problemeve, qeveria e Romës është e vendosur të vijojë implementimin e marrëveshjes me Shqipërinë.
